陳方安生《陸佑堂演辭》﹣﹣三個對立

8 November 2007

Introduction

「各位同學,

今日我重返母校陸佑堂,為我帶來美好嘅回憶。四十幾年前,陸佑堂係我考試嘅地方,當時我嘅心情係非常嘅緊張。第二次返嚟時係1996年,我同我媽媽一齊獲榮譽博士學位,箇陣時我係布政司,可以話係公務員生涯嘅高峰,令我感到非常之榮幸。第三次返嚟,就係參加選舉嘅辯論大會。

我本著我對香港嘅熱誠,以我過去三十九年管治嘅經驗,希望為香港做一啲事。我希望見到一個關懷、開放、仁愛、自由嘅香港。

喺退休哩6年,除咗係參加本地同國際慈善團體嘅活動之外,我亦非常關注社會嘅動態,對哩幾年政府出現失衡嘅現像。我哋而家面對一個兩極化嘅社會,一個窮香港,一個富香港。

我認為今次嘅補選,係真誠對包裝、係民主改革對維護建制、係普羅大眾嘅利益對既得利益。但係我相信,香港人嘅眼睛係雪亮嘅。佢哋唔會善忘,佢哋一定會揀一個真正推動民主嘅人。我哋需要一個公平、公正、全民參選嘅普選,要真正嘅社會和諧。我哋要向中央講出真心說話,理性溫和咁爭取2012年雙普選。

我今日喺陸佑堂,唔係追求個人另一個高峰。我追求嘅,係香港嘅另一個高峰。我希望見到一個朝氣勃勃,人人安居樂業,一個真正民主、自由、仁愛、公義嘅香港,一個能夠繼續為祖國貢獻嘅香港。

各位同學,你哋係香港嘅未來,我一個人嘅力量係唔足夠嘅,我需要大家積極參與。我哋團結就有普選嘅希望,12月2號係大家市民團結發聲嘅機會,請各位千萬去投票。

多謝。」

Round-up

各位同學,好感謝大家俾機會我重返母校。

港大校園,已隨時代變遷;但係大學作育英才嘅使命,如同薪火相傳,係無改變嘅。大學關心社會嘅心,亦都無改變。

我今次參選,嘗過政治嘅人情冷暖,體會權力嘅世態炎涼,但係我無氣餧。因為喺參選嘅過程中,喺香港嘅每一個角落,我都深深感受到市民對我嘅支持同期望。我一定會繼續真誠咁為香港人做事。

今日,我決定參選,係實踐民主信念嘅第一步。但係我好希望各位同學,能夠走多一步,為香港嘅民主盡一分力,投下良心嘅一票。多謝。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: