Archive for February, 2017

相信一個人,不如相信每一個人

Posted in Election, Script on February 27, 2017 by loso

特首選舉候選人曾俊華宣傳短片

 

 

我係曾俊華。

 

呢幾年,我哋遇上唔少問題。呢啲問題亦到令我哋互相遇上。

 

係無數嘅相遇裏面,因為諗法唔同,產生咗唔少衝突。

 

漸漸我哋只顧住衝突,忘記我哋嘅相遇,本來係為咗解決問題。

 

過咗呢幾年,我見到要解決香港嘅問題,唔可以只靠一個人,而係要靠一班人。

 

我哋係時候,由對立返番去建立。

 

我哋係時候,用大家嘅諗法,去建立番一個有規有矩嘅制度。

 

一個唔會睇新聞,睇到好嬲嘅朝頭早。

 

一個唔會因為唔同立場,而unfriend朋友嘅社會,一個似返香港嘅香港。

 

我係曾俊華。其實我係咪曾俊華,唔係最緊要,因為相信一個人,不如相信每一個人。香港嘅未來,要靠我哋團結,拍住上!

Advertisements

曾俊華競選眾籌呼籲

Posted in Election, Script on February 2, 2017 by loso

你重信唔信,五年後,你唔會後悔留喺香港?你重信唔信,五年後,香港會更好?

 

我信!因為,我相信你哋,我相信香港。

 

香港人有咁多好嘅諗法,只要團結,點會冇辦法?

 

未來五年,我希望重新團結香港人。

 

而家,我需要你哋支持我嘅競選籌款計劃。你所付出嘅每一分每一亳,唔係支持緊曾俊華一個人,而係支持緊一份團結香港嘅精神。

 

同一天空下,互相信任,燃點希望,香港人要團結拍住上!

 

%d bloggers like this: